රවුෆ් හකීම් මන්ත්‍රීවරයාගේ ළඟම ආශ්‍රිතයින් 20ක් ද කුමාරසිරි හෙට්ටිගේ මහතාගේ ආශ්‍රිතයින් සිවුදෙනෙකුද ඇමැති වාසුදේව නානායක්කාරගේ ආශ්‍රිතයින් 10 දෙනෙකුද වශයෙන් මන්ත්‍රීවරුන් 34ක්ද පාර්ලිමේන්තුවේ සීසීටීවී දර්ශන ඇසුරින් තහවුරුවී ඇති බව වේත්‍රධාරී නරේන් ප්‍රනාන්දු මහතා පවසයි.
මැති ඇමැතිවරුන් තිදෙනෙකු කොවිඞ් ආසාදිතයින් බවට තහවුරු වීමත්, මන්ත්‍රීවරුන් 34 දෙනෙකු ඇතුළු පාර්ලිමේන්තු කාර්යමණ්ඩලයේ පිරිසක් ළඟම ආශ්‍රිතයින් බවට හඳුනා ගැනීමත් සමග ඇතිවී තිබෙන තත්ත්වය හමුවේ ලබන 19දා සිට පාර්ලිමේන්තු රැස්වීම් පැවැත්වීම සම්බන්ධයෙන් සාකච්ඡා කර තීරණයක් ගැනීමට නියමිත බව ද දැනගන්නට ලබේ.
කෙසේවුවද මෙම තත්ත්වය හමුවේ පාර්ලිමේන්තු සංකීර්ණය තුළ කොවිඞ් ආසාදිත මන්ත්‍රීවරු ආගිය ස්ථාන විසබීජ හරණය කළ බව පාර්ලිමේන්තු ආරංචිමාර්ග සඳහන් කරයි.
